筆者 - 林嘉莉醫生 - 骨科專科醫生
Author - Dr. Karry Lam - Specialist in Orthopaedics & Traumatology
十個懷孕嘅準媽媽，有七個以上會遇上腰背痛嘅情況。懷孕晚期，個肚「鑼」咁大，重心向前移，增加腰背肌肉的壓力，容易疲勞疼痛。
但早期，中期也會痛的。懷孕早期好多時因為之前已有腰痛經歷，或是身體有過重嘅情況，加上荷爾蒙改變，心理，生理影響下，較容易會患上腰背痛。
有時候痛起上嚟，坐又痛，瞓底又痛，行又唔行得遠，大大減低懷孕時的喜悅。
但懷孕期間，如非必要，都唔建議食止痛藥，怎麼辦呢？唔通要痛到生為止？
這個時候，就係老公出場嘅好時機，粗重野可以交比老公做，又或者乘機嗲下老公做下按摩，舒緩一下。💆🏻♀️
其次要注意身體姿勢，盡量避免着高踭鞋，亦可以選擇適合嘅托腹帶幫助減輕壓力。運動方面，可以選擇啱自己嘅運動，例如游水🏊🏻♀️，瑜珈🧘🏻♀️，伸展運動等。最後，瞓覺時盡量側睡，在兩膝之間墊一個枕頭，亦有效減輕腰部壓力，緩解疼痛。
如果生完BB之後仲有痛，當然要搵骨科醫生做個詳細檢查。
順便祝各位媽媽懷孕生產過程順利。
如果你的朋友也有這樣的毛病可以按 share 分享給他們。如果你有任何疑問也可以send 個message 到我們的inbox哦。
Comments